EL BAILADOR DE «STEP-DANCE «BILL ROBINSON» trezladado por Simon Geron

Keridos amigos i amigas

——————————————————————————-

EL BAILADOR DE «STEP-DANCE»BILL ROBINSON»

Kuando «Bill’ Bojangles»Robinson» izo su «Step Dance» kon la kriatura «Shirley Temple», abashando las eskaleras de arriba abasho en el filmo»The Little Colonel», arobó kuaji el show i izo istoria sinemátika komo el Bayle Inter-racial. Pero esto trusho kontroversia i esta shena fue kortada al mostrar el filmo en el sur del pais. Bill era alegre i enerjético sempre i tentava de romper las barieras Afrikanas Amerikanas.

«Luther Robinson» nasio 140 anyos antes oy en 25 Mayo 1878 en Richmond/Indiana. Su padre «Maxwell» lavoraba en un «machine shop» i su madre «Maria» kantava en el koral. Los dos parientes murieron en 1885 i fue su avuela «Bedelia» ke antes era una esklava, ke se okupo de el. A los 5 anyos izo su moneda de aldikera en limpiando zapatos i baylando por unos sentavos. Su avuela siendo «Baptista» pensaba ke el bayle era echo de diavlo. Malgrado los protestos Bill kontuneó i topó a uno ke le dio un echo como kriatura performante ke se iva bueno en el «White Minstrel Show». El nombre»Luther’ no le plazia i por esta razón tomo el nombre de su hermano «Bill» i le dio «Percy» como nombre. Como chico lo llamaban «Bojangles/Trouble Maker». A sus 9 anyos se fue en Tour kon «Mayne Remington And Her Pickanninnies» ke era todo»Vaudeville Africano Americano». Una vez ke se enfasio de esto empesó a azer el «SOLO ACT» en los klubes i bares.

En 1898 entro en la Armada en la Gerra contra Espanya i se tornó atrás a la fin de su servisio. En 1900 era bien konosido i djugó kontra «Harry Swinton» ke era el mijor bailador. Al ganar se dio kuenta ke las reglas se metian kontra los de kolor enforsándolos a meterse en pares kon los negros o un blanco. En 1914 tenia un partenero blanko ke se yamaba «Rae Samuels» i fueron emprezentados al adjente «Marty Forkins» ke era el manajer. Le demando de djugar «SOLO». Kuando los Estados Unidos entro en gerra en 1917 Bill ofresió sus servisios para divertir a las tropas. Iva ser por la primera vez ke un Afrikano Amerikano performava en un publico blanko. Le dieron el premio de «War Department Commendation» en 1918. Despues kontuneo en su «SOLO SHOW» en los anyos 1920 en Broadway i tuvo su chanse kon «Blackbirds»en 1928 ke era kompletamente Afrikano Amerikano. Fue ayí ke izo su «Step Dance» i los blankos se ‘namoraron de esto.

Ansi empesó la karrera de filmos. Su primero filmo era «Helio Bill» en 1929. Despues vino «Dixiana» en 1930. Despues djugo en unos kuantos filmos como «The Little Colonel» kon «Shirley Temple» i eya lo yamaba «Uncle Bill». El la yamaba «Darlin». Los dos djugaron en 3 filmos «Rebeca of Sunny Brook Farm, Just Around The Corner, The Little Rebel». Siendo un ombre bien aktivo formó» The Negro Actors’ Guild Of America». Despues djugo en «Hot Mikado» ke era una adaptasion «Jazzy» de «Gilbert And Sullivan» kon la mezkla del preto i del blanko. Izo todo en su poder para azer avansar al Puevlo de Kolor i konvensió al Prezidente Franklin Roosevelt de dar mijor paga a los soldados pretos sirviendo en gerra. En el tiempo ganava 6.000 dolares por semana i siendo muy djeneroso i djugando se topó en povreza. Broadway organiso por él unos benefisios. Bill se murió en 1949 i miles de djentes vinieron a sus funerales. Se disho ke «Bill no era un krédito a su raza preta. Era un krédito al mundo. Bill no era un baylador preto grande. Era el mas famoso bailador.»

 

Trezladado por Shimon Geron.- Sydney

Fuente: Ladinokomunita